Pinaveersaartitsinermi suliat

Innutaasut peqqissusaannut imigassaq ikiaroornartorlu unammillernartuupput annertuut, taamaattumillu innuttaasut peqqinnerulernissaannut suliniummi Inuuneritta II-mi ilaatinneqarput. Inuuneritta II-mi nassuiarneqarpoq atornerluinermut tunngasut qanoq aaqqissuussaanikkut, pinaveersaartitsinermi, siusissukkut ilisimannilernermi aammalu katsorsaanermi suliaqarfigineqassanersut.

 

Siunertaq tassaavoq:

 

·       Meeqqat inuusuttullu atornerluisuulernissaannik pinaveersaartitsineq

·       Inersimasut malussataartut takussaanerisa killilerneqarnissaa

·       Ikiaroornartumik imigassamillu atuinerup annikillisinneqarnissaa

 

Inuuneritta II pillugu annertunerusumik nittartakkami:

www.peqqik.gl/Emner/Puljer/Inuuneritta/ -mi atuartoqarsinnaavoq.

 

Pujortartarneq pillugu pinaveersaartitsineq

Pujortartarnerup akiornissaanut pisortat suliffeqarfiisa maligassiuinissaat Naalakkersuisunit malunnartinniarneqarsimavoq, tamanna atuuppoq Inatsisartut Inatsisaanni nr.15 26.maj 2010-minngaannersuumi, tassani

inerteqqutigineqarpoq meeqqat atuarfiini, timersortarfinni aammalu meeqqat inuusuttullu ulloq unnuarlu inissiisarfinni illup iluani silataanilu pujortartarnissaq. Taamatullu inuusuttunut 18 inorlugit ukiulinnut tuniniaaneq inerteqqutigineqarpoq tamannalu taamaallaat pisinnaalluni nammineq saaffiginninnikkut.

 

Titartagaq 9.1. Agguaqatigiissillugu inummut ataatsimut 14 sinnerlugit ukiulimmut sikaritsinik atuineq

Najoqqutaq: Akileraartarnermut Aqutsisoqarfik, Qallunaat Nunaanni Naatsorsueqqissaartarfik aamma Naatsorsueqqissaartarfik

 

Sikaritsinik atuineq Tabel 12–imi takuneqarsinnaavoq.